भिम अस्पतालबाट २५ जना कोरोना संक्रमित निको भइ घर फिर्किए

भैरहवा । कोरोना भाइरसका संक्रमितहरुको संख्या थपिएसंगै प्रदेश नम्बर ५ का आइसोलेसन अस्पतालबाट संक्रमितहरु निको भएर पनि जान थालेका छन् । भैरहवाको भिम अस्पतालमा उपचारार्थ कोरोना भाइरसका संक्रमित २५ जना भाइरसलाई जितेर घर फर्किएका छन ।

रुपन्देही गैँडहवा गाउँपालिकाका १० जना, कपिलबस्तुका ५ जना, नवलपरासीका ३ जना, लुम्बिनी सांस्कृतिक नगरपालिकाका ५ जना, सिद्धार्थनगर नगरपालिकाका १ जना र भारतका १ जना गरि जम्मा २५ जना डिस्चार्ज भएको भिम अस्पतालका प्रमुख डाक्टर नबिन दर्नालले जानकारी दिनुभयो ।

प्रदेश नम्बर ५ का सामाजिक विकासमन्त्री सुदर्शन बरालले डिस्चार्ज भएका बिरामीहरुलाई पुष्प र खादा ओडाई बिदाई गर्नुभएको थियो । बिदाई गर्दै मन्त्री बरालले कोरोनाका पहिलो स्टेजका बिरामी भएका कारण नआत्तिन आग्रह गर्नुभयो ।

कोरोना सक्रमित कोही पनि लुकेर नबस्नुहोस हामी उपचारको ब्यवस्था गरेका छौँ मन्त्री बरालले भन्नुभयो, उनिहरुलाई माया र सद्भाव गर्नुपर्दछ ।

डिस्चार्ज भएका बिरामीहरुले हर्षित हुँदै भिम अस्पतालका कार्यरत चिकित्सकलाई धन्यवाद दिँदै नाच गान गर्दै बिदा भएका थिए ।
योसँगै प्रदेश पाँचमा कोरोना जितेर घर फर्किनेको संख्या ७७ पुगेको छ ।