काठमाडौं । पाकिस्तानको ७५ औं स्वतन्त्रता दिवसको अवसरमा नेपालस्थित पाकिस्तानी दूतावासले राजदूतावास परिसरमा राष्ट्रिय झण्डाको झण्डोत्तोलन गरेको छ ।
राजदूत सैयद हैदर शाहले झण्डा फहराएका थिए । कार्यक्रममा दूतावासका अधिकारी तथा कर्मचारीहरु र पाकिस्तानी समुदायको सहभागिता रहेको थियो ।
त्यसअवसरमा पाकिस्तानका राष्ट्रपति र प्रधानमन्त्रीको सन्देश पढेर सुनाइएको थियो ।
झण्डोत्तोलन कार्यक्रमलाई सम्बोधन गर्दै राजदूत सैयद हैदर शाहले कायद–ए–आजम मोहम्मद अली जिन्नाको नेतृत्वमा भएको पाकिस्तान आन्दोलनको इतिहासको स्मरण गरे ।
जम्मु कश्मीर विवादको उल्लेख गर्दै राजदूत शाहले यस क्षेत्रको दिगो शान्ति, स्थायित्व र समृद्धिका लागि त्यहाँका जनताको चाहना र संयुक्त राष्ट्र संघको प्रस्ताव अनुसार समाधान गर्नुको विकल्प नभएको जिकिर गरे ।
प्रतिक्रिया