काठमाडौं । कोरोना भाइरसका संक्रमितको संख्या २३०० पुगेको छ । पछिल्लो २४ घण्टामाम २०१ जना थपिएको स्वास्थ्य मन्त्रालयका प्रवक्ता डा. विकास देवकोटाले बताउनुभयो ।
स्वास्थ्य तथा जनसंख्या मन्त्रालयले आयोजना गरेको नियमित पत्रकार सम्मेलनमा दिइएको जानकारी अनुसार नारायणी अस्पतालको प्रयोगशालामा पर्साका ७ जना संक्रमित देखिएका छन् ।
विरानगरस्थित प्रादेशिक प्रयोगशालामा गरिएको परीक्षणमा धनकुटाका एक जनामा कोरोना पुष्टि भएको छ । यस्तै, धरानस्थित वीपी कोइराला स्वास्थ्य विज्ञान प्रयोगशालामा गरिएको परीक्षणमा सप्तरी, ताप्लेजुङ, झापा, पाँचथर र सुनसरीका १३ जना संक्रमित देखिएका छन् ।
यस्तै, सुर्खेतस्थित प्रयोगशालामा गरिएको परीक्षणमा दैलेख र सल्यानका ३ जनामा कोरोना संक्रमण देखिएको भने सेती अस्पतालको प्रयोगशालामा गरिएको परीक्षणमा कैलाली र डोटीका ५ जनामा संक्रमण पुष्टि भएको छ ।
यस्तै, कोशी अञ्चलको प्रयोशगालामाभएको परीक्षणमा मोरङ, झापा, तेह्थुम र सुनसरीका ५ जनामा संक्रमण देखिएको छ । यस्तै, रुपन्देहीको भैरहवामा गरिएको परीक्षणमा कपिलवस्तुका ६७ जनासहित पाल्पा, रुपन्देहीका ९५ जनाको कोरोना पोजेटिभ देखिएको छ ।
जनकपुरमा गरिएको परीक्षणमा महोत्तरी मटिहयानीका ९ जनालाई कोरोना देखिएको छ भने कर्णाली स्वास्थ्य विज्ञान प्रतिष्ठानको प्रयोगशालामा गरिएको परीक्षणमा दैलेख र कालिकोटका १३ जनामा कोरोना संक्रमण पुष्टि भएको छ ।
यस्तै, राप्ती स्वास्थ्य विज्ञान प्रतिष्ठानमा गरिएको परीक्षणमा दाङ र सल्यानका ८ जना एवं टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा ४२ जनामा संक्रमण देखिएको छ । जसमध्ये धनुषा, कपिलवस्तु, काठमाडौं मेडिकल कलेज, टोखा, नवलपरासी, रौतहट, रुपन्देही र सर्लाही, सिन्धुपाल्चोकका रहेका छन् ।
बुधबारसम्म पीसीआर विधिबाट ८० हजार २ सय ६७ र आरडिटी विधिबाट १ लाख २० हजार ३ सय ७९ वटा परीक्षण भएका छन् । यस्तै पछिल्लो २४ घण्टामा पीसीआर विधिबाट ४ हजार ९ सय २४ र आरडिटी विधिबाट ४ हजार ३४ वटा परीक्षण भएको प्रवक्ता देवकोटाले बताउनुभयो ।
यस्तै प्रदेश नम्बर १ मा १२ हजार ६ सय ४२, प्रदेश नम्बर २ मा ७ हजार ३ सय ३१, बागमती प्रदेशमा २५ हजार ९ सय ३३ र गण्डकी प्रदेशमा ९ हजार १ सय ५१ वटा आरडिटी परीक्षण भएका छन् । त्यसैगरी प्रदेश नम्बर ५ मा २६ हजार ७ सय ४४, कर्णाली प्रदेशमा १४ हजार ८ सय ४५ र सुदूरपश्चिम प्रदेशमा २३ हजार ७ सय ३३ वटा आरडिटी परीक्षण भएका छन् ।
अहिले प्रदेश नम्बर १ मा ३ हजार ८ सय, प्रदेश नम्बर २ मा २२ हजार ७ सय २, बागमती प्रदेशमा ३ हजार २ सय २७ र गण्डकी प्रदेशमा ४ हजार ४ सय ७० जना क्वारेन्टाइनमा रहेका छन् । यसैगरी प्रदेश नम्बर ५ मा ४१ हजार ६ सय ८३, कर्णाली प्रदेशमा ३०ह जार १ सय ६६ र
सुदूरपश्चिम प्रदेशमा ४९ हजार ८ सय २० गरी देशभरी १ लाख ५५ हजार ८ सय ६८ जना क्वारेन्टाइनमा रहेका छन् । अहिलेसम्म प्रदेश नम्बर १ मा ४८, प्रदेश नम्बर २ मा १ सय ९, बागमती प्रदेशमा ३१, गण्डकी प्रदेशमा ३, प्रदेश नम्बर ५ मा ८० र सुदूरपश्चिम प्रदेशमा ७ जना गरी २ सय ७८ जना उपचारपछि निको भएर घर फर्किएका छन् ।
प्रतिक्रिया