धनगढी । अबिरल वर्षापछि खसेको पहिरोले घर पुरिंदा अछाममा सात जनाको मृत्यु भएको छ । पहिरोमा बगेर १२ बढी बेपत्ता भएका छन् । तुर्माखाद गाउँपालिका–५ काँडामा पहिरोले दुईवटा घर पुरिंदा दुई जनाको मृत्यु भएको छ भने कमलबजार गाउँ पालिकामा खसेको पहिरोमा पुरिएको ५ जनाको शब निकालिएको जिल्ला प्रशासन कार्यालय अछामका प्रशासकिय अधिकृत मिन राज आचार्यले बताए । तुर्माखाद र कमलबजारमा गरि १२ जना बेपत्ता भएको उनले बताए ।
प्रहरीका अनुसार शुक्रबार राति पहिरो जाँदा पुरिएर बेपत्ता भएकामध्ये ७ जनाको शव भेटिएको छ । गाँउका १२ बढी अझै बेपत्ता रहेका छन् ।
अहिले प्रहरी टोली घटनास्थलतर्फ हिंडेको छ तर सडकमार्ग अवरुद्ध भएकाले पुग्न समय लाग्नसक्ने बताइएको छ ।
प्रतिक्रिया