बुटवल । प्रदेश खेलकुद परिषद लुम्बिनीको आयोजनामा असोज २ गतेबाट १३ गतेसम्म हुने भनिएको प्रदेश स्तरीय प्रतियोगिता तथा छनौट खेल स्थान र तालिका परिवर्तन भएको छ ।
लगातारको झरिसंगै राष्ट्रिय खेलकुद परिषदको असोज १० गतेभित्र सक्नुपर्ने नया निर्देशन अनुसार तालिका परिवर्तन गरिएको प्रदेश खेलकुद परिषद लुम्बिनीका सदस्य सचिव जयप्रकाश भट्टराईले खबरकुरालाई शनिबार बताए ।
रुपन्देही, नवलपरासी, कपिलबस्तु, दाङ, नेपालगंज, बर्दिया र रोल्पामा आयोजना गर्ने भनिएको प्रतियोगितामा हेरफेर गरिएको उनले बताए । रोल्पामा ११ र १२ गते हुने भनिएको आरटिएफ तेक्वान्दो खेल रुपन्देहीमा भदौ ४ र ५ गते सारिएको उनले बताए । यसैगरि रग्बी खेल गुलरीया बर्दियामा आयोजनाको तयारी भएकोमा परिवर्तन गरि बाकेमा भदौ ११ गते गरिने उनले बताए । अन्य खेलहरु भने तोकिएको स्थान र समयमा हुने उनले बताए ।
प्रतियागिताको उद्घाटन आईतबार बुटवल एन्फा एकेडेमीमा हुने उनले बताए । प्रतियोगिता अन्तरगत पुरुष/महिला फुटबल, महिला भलिबल खेलहरु बुटवल एन्फा एकेडेमीमा भदौ २ देखि ४ गतेसम्म, बुद्धिचाल बुटवलमा २ र ३ गते, तेक्वान्दो, ब्याडमिन्टन खेलहरु भैरहवामा पुरुष÷महिला कबठ्ठी, लनटेनिस, शारीरिक सुगठन, आर्चरी खेल रुपन्देहीमा भदौ २ देखि ३ गते हुने छ । यसैगरि पुरुष भलिबल नवलपरासी तथा सितोरिया कराते कपिलबस्तुमा ४ र ५ गते हुनेछ ।
एथ्लेटिक्स खेल बेलझुण्डी दाङमा, फुलकन्टयाक्ट कराते, टेबलटेनिस, हेण्डबल तुल्सीपुर दाङमा भदौ ६ र ७ गते हुनेछ । यसैगरि बास्केटबल, बक्सिङ, भारोत्तलन, कुस्ती, उसु, जुडो, सुटिंग, पौडी, जिम्न्यास्टिक, पुरुष/महिला हक्की, साइक्लिङ खेलहरु नेपालगंज बाकेमा भदौ ८, ९ र १० गते हुनेछ । यसैगरि सेप्राक्ता ताराताल बर्दियामा १० गते, पुरुष/महिला खोखो भुरिगाउ बर्दियामा १० र ११ गते हुने भएको छ । प्रतियोगितामा १२ जिल्लाका २ हजार ६ सय ५२ जना खेलाडीहरु, २ सय अफिसियल र ३ सय भोलिन्टियरहरुको सहभागीता रहने छन ।
प्रतिक्रिया