३ मंसिर २०८३, बिहिबार | November 19, 2026

टुकुचा मिचेर बनेका संरचना तत्काल नभत्काउन उच्च अदालतको आदेश



काठमाडौं । उच्च अदालत पाटनले टुकुचा मिचेर बनाइएका संरचना तत्काल नभत्काउन आदेश दिएको छ ।
काठमाडौं महानगरपालिकाले जयनेपालचोकदेखि काठमाडौंप्लाजासम्म हराएको टुकुचा खोज्न सुरु गरेपछि सो क्षेत्रमा बसोबास गर्ने व्यक्तिहरुले दायर गरेको रिटमा प्रारम्भिक सुनुवाइ गर्दै तत्काल कुनै संरचना नभत्काउन अल्पकालीन आदेश दिएको हो ।

आइतबार न्यायाधीश दिपेन्द्रबहादुर बमको इजलासले जेनेक्स इन्भेस्टेमन्ट, उत्तरमान लामा र प्रेसिडेन्ट ट्राभल्स एन्ड टुर्सका नाममा रहेको काठमाडौं महानगरपालिका वडा नम्बर ७ स्थित कित्ता नम्बर ७, ३०३८ र ३०३९ को जग्गामाथि बनेका घरहरू कानुनी रित नपुर्‍याई र उचित क्षतिपूर्ति नदिई नभत्काउन अल्पकालीन अन्तरिम आदेश दिएको हो ।

काठमाडौं महानगरले टुकुचा खोला मिचेर बनेका संरचना भत्काउँदै खोला खुला गर्ने अभियान सुरु गरेको थियो । महानगरले जयनेपाल सिनमा हलको कम्पाउण्डमा १५ फिट खोतल्दा खोला फेला पारेपछि उत्खननलाई निरन्तरता दिइरहेको थियो ।

उच्च अदालतले यही ५ गते दुवै पक्षलाई छलफलका लागि बोलाएको छ । त्यसपछि अन्तरिम आदेश जारी गर्ने या नगर्ने विषयमा आदेश हुनेछ । अदालतको आदेशमा प्रक्रिया बमोजिम नक्सा पास गरिएको र निर्माण सम्पन्नताको प्रमाणपत्र समेत लिएको देखिएकाले तत्काल संरचना नभत्काउन भनिएको छ ।

 

प्रकाशित मिति : २ आश्विन २०७९, आइतबार  ४ : ५८ बजे

Your email address will not be published.

दुई पूर्वमन्त्रीसहित छ जना पक्राउ

काठमाडौँ । वैदेशिक रोजगारीका सन्दर्भमा मलेसिया र नेपालबीच भएको श्रम

सर्वोच्च अदालतबाट पशुपति गौशाला धर्मशालासम्बन्धी फैसला सदर, स्वामित्व कोषकै मातहत

काठमाडौँ । सर्वोच्च अदालतले पशुपति गौशाला धर्मशालासम्बन्धी जिल्ला र उच्च

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

काठमाडौँ । चितवन राइनोजले तेस्रो संस्करणको नेपाल प्रिमियर लिग (एनपिएल)

मुस्ताङमा पहिलो चौमासिकमा एक लाख १२ हजार पर्यटक

मुस्ताङ । चालु आर्थिक वर्षको पहिलो चौमासिकमा एक लाख १२

४०१ मोटरसाइकलको स्वरूप सच्याइँदै, सवारीधनी मिस्त्रीसहित ट्राफिक कार्यालयमा

काठमाडौँ । काठमाडौँ उपत्यकामा चर्को आवाज निकाल्ने तथा कानुनविपरीत स्वरूप