काठमाडौं । संसदले भारतीय अतिक्रमण मुक्त गराएको दार्चुला पारीको टिंकर र छाङरुमा दसैं मनाउन चामल ढुवानी गरिने भएको छ । दसैंका लागि दार्चुलाबाट ४ सय क्वीन्टल चामल सहित खाद्यान्न हेलिकोप्टरमार्फत् टिंकर र छाङरु ढुवानी गरिने भएको हो ।
टिंकरमा १६० र छाङरुमा २४० क्वीटल चामल ढुवानीका लागि खाद्य व्यवस्था तथा व्यापार कम्पनीले आइतबार बोलपत्र आह्वान गरेको छ ।
कम्पनीको शाखा कार्यालय दार्चुलादेखि दार्चुलाको व्यास गाउँपालिको टिंकर र छाङरुसम्म हेलिकप्टबाट खाद्यवस्तु ढुवानीका लागि हेलिकप्टर कम्पनी वा कार्गो एजेन्सीले गोप्य सिलबन्दी पेस गर्न भनिएको छ ।
स्वीकृत भएको हेलिकप्टर कम्पनी वा कार्गो एजेन्सीले १४ असोजमा कम्पनीसँग सम्झौता गर्नुपर्ने छ । र, दसैैं अघि नै खाद्यान्न ढुवानी गरिने कम्पनीले जनाएको छ ।
प्रतिक्रिया