काठमाडौं । राष्ट्रपति विद्या भण्डारी र एमाले अध्यक्ष केपी ओलीले राजकिय शैलीमा सर्बसाधारणलाई टिका प्रदान गरेपनि सत्तारुढ नेपाली कांग्रेसका सभापति तथा प्रधानमन्त्री शेरबहादुर देउवाले भने यस वर्षको विजयादशीमीको टीका ग्रहण गरेनन् ।
भ्रातृशोकमा रहेका कारण प्रधानमन्त्री देउवाले टीका नलगाएको र अरुलाई पनि टीका नलगाइदिएको प्रधानमन्त्री देउवाको सचिवालयले जनाएको छ । भ्रातृशोककै कारण यस र्वा देउवाले दसैंको टिका नलगाउनु भएको हो । स्वकीय सचिव भानु देउवाले भने ।
यसै वर्ष प्रधानमन्त्री देउवाका भाइ प्रेमबहादुर देउवाको निधन भएको थियो । उनको मृत्युको वर्षदिन पुगेको छैन । भ्रातृशोककै कारण प्रधानमन्त्री देउवाले परिवारका अन्य सदस्यलाई पनि टीका लगाएनन्।
प्रतिक्रिया