काठमाडौं । नवौं राष्ट्रिय खेलकुद अन्तर्गतको प्याराग्लाइडिङ खेल स्थगित भएको छ ।
आइतबारको प्याराग्लाइडिङ प्रतियोगिताको क्रममा खेलाडीको मृत्यु भएपछि खेल अनिश्चितकालका लागि स्थगित गरिएको हो ।
नेपाल प्याराग्लाइडिङ तथा ह्याङ्ग ग्लाइडिङ संघका अध्यक्ष शैलेन्द्र राउतका अनुसार खेलाडीको मृत्यु भएपछि राष्ट्रिय खेलकुद परिषद्को निर्देशानुसार खेल स्थगित गरिएको हो ।
आइतबार बिहान पोखराको सारङकोटमा शुरु भएको प्याराग्लाइडिङ प्रतियोगिता अन्तर्गत क्रस कन्ट्री प्याराग्लाइडिङमा ब्लु स्काई कम्पनीको प्याराग्लाइडिङ आकाशबाट जमिनमा खस्दा एक खेलाडीको मृत्यु भएको थियो ।
मृत्यु हुनेमा त्रिभुवन आर्मी क्लबका खेलाडी निसिम थापा रहेका छन् ।
प्रतिक्रिया