काठमाडौँ । चीनको सत्तारुढ कम्युनिष्ट पार्टीको महाधिवेशन शनिबार सम्पन्न भएको छ । वर्तमान राष्ट्रपति सी जिन्पिङलाई थप शक्तिशाली बनाउँदै चिनियाँ कम्युनिष्ट पार्टीको २० औँ महाधिवेशन शनिबार सम्पन्न भएको हो ।
पार्टीको महाधिवेशनले ‘दुई स्थापना’ र ‘दुई सुरक्षा’ शिर्शकको संशोधन प्रस्ताव पारित गर्दै संविधानमा सी जिन्पिङ विचारधारालाई थप मजबुत बनाइएको बेलायती अखबार द गार्जियनको अनलाइन संस्करणले जनाएको छ । महाधिवेशनले सी जिन्पिङ विचारधारालाई आधारभूत राजनीतिक सिद्धान्तका रुपमा स्विकार गरिएको पनि जनाइएको छ ।
बेलायती अखबार द गार्जियनका अनुसार महाधिवेशनले २०५ सदस्सीय केन्द्रीय समिति पनि चयन गरेको छ । पार्टीले आइतबार पोलिटब्युरो स्थायी समिति चयन गर्ने जनाइएको छ ।
पार्टीले आइतबार स्थानीय समयअनुसार मध्याह्न १२ बजे ग्रेट हल अफ पिपुलमा पत्रकारहरुमाझ महाधिवेशनले पारित गरेको प्रस्ताव तथा नयाँ नेतृत्व सार्वजनिक गर्ने अन्तर्राष्ट्रिय समाचार संस्था रोयटर्सले जनाएको छ । आइतबार नै पार्टीले सीलाई तेस्रो कार्यकालका लागि महासचिव र राष्ट्रपतिका रुपमा घोषणा गर्ने अपेक्षा गरिएको छ ।
यसै्रबीच भारतीय कतिपय सञ्चारमाध्यमहरुले चीनमा सी कमजोर भएरको र नजरबन्दमा राखिएको जस्ता विवादस्पद खबर सार्वजनिक गरिहेका बेला चीनको कम्युनिष्ट पार्टीले थप एकता र थप शक्तिशाली पार्टी निर्माण भएको दाबी सहित महाधिवेशन सम्पन्न गरेको हो ।
वर्तमान प्रधानमन्त्री लीलाई बाहिर राखेर केन्द्रीय समितिको चयन भएपछि पार्टीमा राष्ट्रपति सीका समर्थकहरुको बर्चश्व रहेको पुष्टि भएको विश्लेषकहरुको भनाई छ । उनीहरुले पोलिटब्युरो स्थायी समितिमा रहने र पार्टीमा सीको पकड अझ मजबुत हुने समेत आंकलन गरेका छन् ।
प्रतिक्रिया