काठमाडौं । पत्रकार सरोजराज अधिकारी मृत फेला परेका छन् ।
सुन्धरास्थित होटल सिद्धार्थको कोठामा पत्रकार अधिकारी झुण्डिएको अवस्थामा मृत फेला परेका हुन् ।
अधिकारी घरमा नफर्किएपछि उनकी श्रीमतीले प्रहरीमा खोजीका लागि निवेदन दिएकी थिइन । त्यसपछि उनको अनुसन्धान गर्दै जाँदा होटलको कोठामा पुग्दा भित्रबाट चुकुल लगाएको अवस्थामा उनी मृत फेला परेका थिए ।
अधिकारी कत्तिक २१ गतेदेखि सो होटलमा बसेको प्रहरीले जनाएको छ । प्रहरीले उनको मृत्युबारे अनुसन्धान सुरु गरेको छ ।
कान्तिपुर दैनिकमा कार्यरत रहँदा सुरक्षा मामिलामा चर्चित बनेका पत्रकार अधिकारीले ‘चक्रव्युहमा चन्द्रसूर्य’, ‘धम्बोजी’, ‘जासुसीको जालो’ लगायतका पुस्तक लेखेका छन् ।
प्रतिक्रिया