बुटवल । चुनाव बहिस्कारको निर्णय गरेको विप्लव नेतृत्वको नेकपाका नेता खड्कबहादुर विश्वकर्मा प्रकाण्डले आसन्न चुनाव बहिस्कारका लागि चुनावी कार्यक्रममा ‘गडवड’ गर्न कार्यकर्ताहरुलाई आह्वान गरेका छन् । सो पार्टीले आज बुटवलमा आयोजना गरेको चुनाव भण्डाफोर सभालाई सम्बोधन गर्दै दलाल पुजिवादी चुनाव बहिस्कारका लागि ‘गडवड’ गर्ने चेतावनी दिएका हुन् । उनले कस्तो खाले ‘गडवड’ हो भन्ने विषय भने खुलाएनन् ।
उनले दलाल पुँजिवादी व्यवस्थालाई खरानी नपार्दा सम्म कम्युनिष्ट पार्टीले ‘गडवड’ गरिरहनु पर्ने पनि बताए । उनले सशक्त बहिस्कारका लागि तयार रहन कार्यकर्तालाई आह्वान गर्दै राज्यले गिरफ्तार र दमन गरे त्यसको प्रतिबाद गर्न पनि निर्देशन दिए ।
नेता प्रकाण्डले तिनाउ दानव करिडोरको नाममा त्यस क्षेत्रमा बसोबास गर्ने भुमिहिन सुकुम्बासरुलिाई उठबिास गराउन खोजिएको आरोप लगाउँदै बैकल्पिक व्यवस्थाबिना हटाउन खोजिए आफ्नो पार्टीले प्रतिरोध गर्ने चेतावनी पनि दिए । करिडोर आवश्यक भएपनि जनताको गाँस र बास भन्दा ठुलो विषय करिडोर नभएको उनले बताए ।
गृहमन्त्री बालकृष्ण खाँणले विप्लव समुहसँग रुपन्देहीमा वार्ता भइरहेको खुलासा गरेकै अर्को साता सो समुहले बुटवलमा चुनाव भण्डाफोर सभाको आयोजना गरेको हो ।
प्रतिक्रिया