अर्घाखाँचीमा कोरोनाबाट दुईको मृत्यु, बुटवलबाट फर्किँदा मृत्यु भएका युवामा संक्रमण पुष्टी

अर्घाखाँची। मालारानी गाउँपालिकाको क्वारेन्टिनमा बसेर उपचारको लागि बुटबल गएर फर्कदै गर्दा बाटोमै मृत्यु भएका व्यक्तिमा कोरोना पोजेटिभ पुष्टि भएको छ ।

मालारानी गाउँपालिकाको क्वारेन्टाइनमा बसेर उपचारको लागि बुटबल गएर फर्कदै गर्दा बाटोमै मृत्यु भएपनि स्वाब परिक्षणका लागी भैरहवा पठाईएकोमा रिपोर्ट पोजेटिभ देखिएको जिल्ला स्वास्थ्य कार्यालयका सुचना अधिकारी विजय बरालले बताए ।

मालारानी गाउँपालिका वडा नम्वर ४ ब्याडापाटाको सार्वजनिक आधारभुत विद्यालयमा रहेको क्वारेन्टाइनमा बसेका ५७ वर्षका एक पुरुषको उपचार गरी फर्कर्दै गर्दा बाटोमै मृत्यु भएको थियो ।

घाटीको सल्यक्रिया समेत गरेका उनलाई स्वास प्रश्वासमा समस्या आएपछि उपचारको लागि मंगलबार जिल्ला अस्पताल सन्धिखर्कमा सामान्य उपचारपछि उनलाई थप उपचारको लागि लुम्विनी प्रादेशिक अस्पताल बुटबल रिफर गरिएको थियो ।

लुम्बिनी प्रादेशिक अस्पतालमा उपचार पछि घर फर्कदै गरेका उनको गोरुसिंगे सन्धिखर्क सडकको कोन्द्रे खोलामा मृत्यु भएको थियो । अर्घाखाँचीमा मात्रै कोरोनाबाट मृत्यु हुनेको संख्या दुई पुगेको छ ।

यसअघि अर्घाखाँचीमा भारतबाट आउँदै गर्दा भुमिकास्थानका एक युवाको पनि मृत्यु भएको थियो । उनको पनि कपिलवस्तुबाट स्वाब संकलन गरेर परिक्षणका लागी भैरहवा पठाईएको थियो । उनको पनि कोरोना पुष्टि भएको थियो । उनको भारतबाट आउँदै गर्दा बाटोमा नै मृत्यु भएको थियो ।

अर्घाखाँचीमा जिल्लामा अहिलेसम्म संंक्रमितको संख्या ३७ पुगेका छ ।

जिल्लामा अहिलेसम्म ३७ जना संक्रमित मध्ये दुई जनाको मृत्यु भएको हो । ३४ जना सन्धिखर्कको हटारीको आईशोलेसनमा उपचार भईरहेको छ। उनीहरुको स्वास्थ्य सामान्य रहेको छ ।

संक्रमितमध्ये १ जना सन्धिखर्क नगरपालिकाका उपप्रमुख ठाकुर कुमार विकलाई पनि कोरोना पुष्टि भएको हो । स्वास्थ्य सामान्य रहेको विकले बताए ।

उपमेयरलाई कोरोना देखिएसँगै सन्धिखर्क नगरपालिकाका सम्पर्कमा आएका जनप्रतिनिधी, कर्मचारीहरुको स्वाब संकलन गरेर नगरपालिकाका कामकाज बन्द गरिएको छ ।