काठमाडौं । छाउनीस्थित वीरेन्द्र सैनिक अस्पतालमा कार्यरत एक जना सुरक्षाकर्मी मृत भेटिएका छन् ।
अस्पतालमा ड्युटीमा रहेका नेपाली सेनाका प्यूठ डम्बरबहादुर विष्ट मृत अवस्थामा फेला परेका हुन् । बिहीवार राति ड्युटीमा खटिएका विष्टले आफैंले बोकेको बन्दुक प्रहार गरी आत्महत्या गरेका बताईएको छ। बैतडीको सुर्मा गाउँपालिका ५ घर भएका विष्टको दुर्गाबक्स गण नारायणहिटीमा दरबन्दी थियो।
राति ड्युटीमा नै रहेको समयमा गोली हानी आत्महत्या गरेको बुझिएको नेपाली सेनाका सेनाका प्रवक्ता विज्ञानदेव पाण्डेले भने।
उनी अस्पतालमा नेपाली सेनाको थ्रड ग्रेड तालिम गरिरहेका थिए।
उनको छातीमा गोली लागेको प्रहरी स्रोतले बताएको छ ।
उनले आत्महत्या गरेको हुनसक्ने आशंका गरिए पनि विस्तृत अनुसन्धानपछि मात्र यकिन हुने प्रहरीले जनाएको छ ।प्रहरीका अनुसार हाल उनको शवलाई पोष्टमार्टमका लागि महाराजगञ्जस्थित त्रिवि शिक्षण अस्पतालमा पठाइएको छ ।
प्रतिक्रिया