काठमाडौं । नेकपा एकीकृत समाजवादीले गठबन्धनलाई निरन्तरता दिने निर्णय गरेको छ ।
आमनिर्वाचनपछि राष्ट्रिय दल बन्न संघर्षरत एकीकृत समाजवादीको मंगलबार बसेको केन्द्रीय सचिवालय बैठकले गठबन्धनलाई निरन्तरता दिने निर्णय गरेको हो ।
चुनाव परिणाम सोचे जस्तो नआए पनि गठबन्धनलाई भोलिका दिनमा पनि कायम राखेर जाने निर्णय गरेको प्रचार विभाग प्रमुख जगन्नाथ खतिवडाले बताए । ‘जे जस्तो मत परिणाम हामीले प्राप्त गर्यौ, यो परिणाम हामीले सोचेको जस्तो छैन् । तर, गठबन्धनका कारण प्राप्त गरेका उपलब्धीलाई हामीले रक्षा गर्नुपर्छ’, खतिवडाले भने, ‘गठबन्धनको भावना अनुसार भोलि पनि काम गर्नुपर्छ भन्ने निष्कर्षमा हामी पुगेका छौं ।’
समाजवादीले चुनावको सबै नतिजा सार्वजनिक भएपनि मात्रै सरकार गठनबारे स्पष्ट हुनसक्ने जनाएको छ ।
प्रतिक्रिया