काठमाडौं । सुनसरी क्षेत्र नम्बर-४ को मतगणना रोचक मोडमा पुगेको छ ।
मतगणनाको क्रममा नेपाली कांग्रेसका उम्मेदवार एवं संचार तथा सूचना प्रविधि मन्त्री ज्ञानेन्द्रबहादुर कार्की र नेकपा एमालेका जगदिशप्रसाद कुसियैतबीच काँटेका टक्कर चलिरहेको छ ।
निकै तिब्र प्रतिस्पर्धा भैरहेको यस क्षेत्रमा कुनै बेला कार्की अघि देखिएका छन् भने कुनैबेला कुसियैत ।
आज बिहान कुसियैतले कार्कीलाई ८२ मतले पछि पारेका थिए । अहिले कार्कीले मतान्तर घटाउँदै २७ मा झार्दै अहिले उनी १५ मतले अगाडि गएकाछन् ।
पछिल्लो मत परिणाम अनुसार मन्त्री कार्कीले ३० हजार १२० पाएका छन्। एमाले उम्मेदवार जगदीशप्रसाद कुसियैतले ३० हजार १ सय ५ मत ल्याएका छन् ।
प्रतिक्रिया