काठमाडौं । कतारमा जारी फिफा विश्वकप फुटबल-२०२२ को तेस्रो क्वार्टरफाइनलको पहिलो हाफमा मोरोक्कोले पोर्चुगलविरुद्ध १-० को अग्रता बनाएको छ ।
कतारको अल थुमामा रंगशालामा जारी खेलको पहिलो हाफ सकिन एक मिनेट बाँकी रहँदा युसेफ एन नेस्रीले गोल गर्दै मोरोक्कोलाई अग्रता दिलाएका थिए ।
त्यसअघि अधिकांश समय बलमाथि पकड बनाए पनि पोर्चुगलले डरलाग्दो आक्रमण बुन्न सकेको थिएन ।
क्वार्टरफाइनल प्रवेशका क्रममा पोर्चुगलले स्विट्जल्यानडलाई ६-१ ले र मोरोक्कोले स्पेनलाई पेनाल्टी सुटआउटमा ३–० ले पराजित गरेका थिए ।
आजको खेलमा जित निकाले मोरोक्को अफ्रिकी महादेशबाट विश्वकपको सेमिफाइनल पुग्ने पहिलो टिन बन्नेछ ।
यो खेलमा जित निकाल्ने टिमले फाइनल प्रवेशका लागि फ्रान्स र इङ्ल्यान्डबीचको विजेतासँग खेल्नेछ ।
प्रतिक्रिया