पोखरा । बागलुङमा १४ जनासहित गण्डकी प्रदेशमा २४ घण्टामा २४ जना कोरोना संक्रमित थपिएका छन् ।
गण्डकी प्रदेशक स्वास्थ्य निर्देशनालयले बिहानै जारी गरेको तथ्याङ्क अनुसार बागलुङको गलकोट र काँठेखोलाका १४ जनामा संक्रमण देखिएको छ ।
गलकोट नगरपालिका १९ वर्षदेखि ४५ वर्ष उमेरसम्मका ८ जना र काँठेखोला गाउँपालिकाका २० देखि २९ वर्षसम्मका ६ जना संक्रमित रहेका छन् ।
यसैगरी, पोखरा महानगरपालिकाका ३ जना र रूपा गाउँपालिकाका ३ जनामा गरी कास्कीमा ६ जना नयाँ संक्रमित थपिएका छन् ।
यस्तै, स्याङजाको कालीगण्डकी गाउँपालिकाका १ र अर्का १ गरी दुई जना र नवलपरासि पूर्वको विनय त्रिवेणी गाउँपालिकाका २ जनामा पनि संक्रमण पुष्टि भएको छ ।
गण्डकीमा हालसम्म ३४८ जना संक्रमित पुगेका छन् ।
प्रतिक्रिया