काठमाडौं । नेकपा माओवादी केन्द्रका उपमहासचिव जनार्दन शर्माले अब राष्ट्रपति उपराष्ट्रपतिको विषयमा छलफल सुरु हुने बताएका छन् ।
उपसभामुख निर्वाचन पछि संसदभवनबाट बाहिरिने क्रममा शर्माले संचारकर्मीहरुसँग कुरा गर्दै अब बल्ल राष्ट्रपतिको एजेण्डामा छलफल सुरु हुने बताए ।
शर्माले राष्ट्रपतिको उम्मेदवार पनि यही गठबन्धनबाटै तय हुने बताएका । सभामुख र उपसभामुखको निर्वाचन बल्ल आज सकियो । अब केहिदिन भित्रै राष्ट्रपति र उपराष्ट्रपतिको विषयमा दलहरुबीच छलफल सुरु हुन्छ उनले भने, ‘अब राष्ट्रपतिको एजेन्डामा छलफल हुन्छ । सहमति असहमति, उम्मेदवारको छनौट आदि विषयमा छलफल हुन्छ । गठबन्धनको तर्फबाटै उम्मेदवार बन्ने त स्पष्टै छ ।’
शर्माले राष्ट्रपति र उपराष्ट्रपतिको निर्वाचन गोप्य हुने भएका कारण पार्टीको ह्वीप नलाग्ने भएपनि दलगत अनुशासनका कारण पार्टीले निर्णय गरेअनुसार नै हुने स्पष्ट पारे ।
शर्माले अब गठबन्धन फुटाउने जोड्ने समय सकिइसकेको बताउँदै अब जनताका समस्या समाधानमा लाग्नुपर्ने धारणा राखे ।
प्रतिक्रिया