काठमाडौं । त्रिभुवन अन्तरराष्ट्रिय विमानस्थलबाट ९ किलो सुनसहित बुधबार राति एक जना क्यानडेली नागरिक पक्राउ परेका छन् ।
दुबईबाट जहाजमा आएका यूएई मूलका क्यानडेली नाथगरिक मोहमद कमल मोहगोबलाई सुनसहित विमानस्थल भन्सार कार्यालयले पक्राउ गरेको हो ।
उनको साथबाट ९ किलो १३६ ग्राम अवैध सुन बरामद गरिएको छ । विमानस्थल भन्सार कार्यालयका प्रवक्ता यमराज पाण्डेका अनुसार मोहगोबले कम्मरमा फल्स बटन बनाएर आठवटा बिस्कुट आकारमा १ किलोभ्नदा बढी मात्राको सुन ल्याएका थिए ।
साथै उनको साथबाट नीलो आवरणमा रहेको वस्तु पनि बरामद गरिएको थियो । उक्त वस्तु पनि परीक्षणका क्रममा सुन भएको पाइएको छ । उनीमाथि थप अनुसन्धान भइरहेको छ ।
प्रतिक्रिया