काठमाडौं । उच्चस्तरीय राजनीतिक संयन्त्रको बैठक आज बस्ने भएकोछ ।
प्रधानमन्त्री निवास बालुवाटारमा दिउँसो ३ बजे बैठक बस्ने तय भएको प्रधानमन्त्रीको सचिवालयले जनाएको छ ।
सरकार गठनमा समर्थन जनाएका दलहरुबीच देखा पर्ने समस्या समाधान गर्नका लागि एमाले अध्यक्ष केपी ओलीको नेतृत्वमा उच्चस्तरीय राजनीतिक संयन्त्र बनेको थियो । बैठकमा राष्ट्रपति र उपराष्ट्रपतिको निर्वाचन, राष्ट्रिय स्वतन्त्र पार्टीले सरकार छाडेपछिको अवस्था लगायतका विषयमा छलफल हुने बताइएको छ ।
बुधबार प्रधानमन्त्री पुष्पकमल दाहाल प्रचण्ड र एमाले अध्यक्ष ओलीबीच भएको छलफलमा आज संयन्त्र बैठक बोलाउने सहमति भएको थियो ।
गृहमन्त्रालय नपाएपछि सरकारबाट राष्ट्रिय स्वतन्त्र पार्टी बाहिरिएको छ । नागरिक उन्मुक्ति पार्टीले पूर्वसांसद रेशम चौधरी रिहा नभएसम्म सुदुरपश्चिम सरकारलाई विश्वासको मत नदिने भन्दै अड्डी कसेको छ ।
प्रतिक्रिया