सुदूरपश्चिम प्रदेशसभा बैठक ४ बजे सारियो

धनगढी । सुदूरपश्चिम प्रदेश सभाको बैठक अपरान्ह ४ बजेसम्मका लागि सारिएको छ ।

बुधबार मुख्यमन्त्रीले विश्वासको मत लिने भनेपनि अन्तिम समयमा आएर आज दिउँसो १ बजेसम्मका लागि स्थगित गरिएको थियो । तर, आज पनि पुनः थप ४ घण्टाा बैठक सारिएको छ ।

अंकगणितका हिसाबले निर्णायक रहेको नागरिक उन्मुक्ति पार्टीले विश्वासको मत दिने निश्चित नगरेकै कारण प्रदेशसभा बैठक सारिएको हो । नागरिक उन्मुक्तिका सात सांसदहरु अहिलेसम्म पनि काठमाडौंमै रहेका छन् । आफ्ना माग पुरा नभएसम्म विश्वासको मत नदिने सो पार्टीको अडान रहेको छ ।

बैठक सारिएकोप्रति प्रमुख प्रतिपक्षी नेपाली कांग्रेसले भने आपत्ति जनाएको छ । मुख्यमन्त्रीले विश्वासको मत पाउन नसके ठूलो दलको हैसियतमा कांग्रेसले नयाँ सरकारको नेतृत्व गर्नेछ ।