काठमाडौं । बिहान १० बजेर ५० मिनेटबाट सुरु भएको खण्डग्रास सूर्यग्रहण जारी छ ।
३ घण्टा ३३ मिनेट अवधि लामो वलय सूर्यग्रहण विश्वका विभिन्न मुलुकबाट हेरिएको छ । अपरान्ह २ बजेर २३ मिनेटमा सकिने सूर्यग्रहण नेपालबाट भने खण्डग्रास मात्रै देखिएको छ ।
काठमाडौं उपत्यकाबाट ८८ प्रतिशतसम्म सूर्य ढाकिएको देखिएको छ । तर, नेपालको पश्चिमी भूभाग लिम्पियाधुरा, लिपुलेक तथा कालापानी क्षेत्रबाट भने सबैभन्दा धेरै ९८ प्रतिशत सूर्य ढाकिएको देख्न सकिने खगोलविद्हरुले बताएका छन् ।
खगोलविद्हरुका अनुसार दिउँसो १२ बजेर ३८ मिनेटमा काठमाडौंबाट करिब ८८ प्रतिशत सूर्य ढाकिएको देखिएको छ । सो समयमा वातावरणीय तापक्रम घटेर चिसो अनुभव भएको छ ।
सूर्यग्रहण खाली आँखाबाट अथवा टेलिस्कोपको प्रयोग गरेर समेत अवलोकन गर्न हुँदैन् । ग्रहण लागेको बेलामा हिमाल आरोहणमा प्रयोग गरिने विशेष खालको चस्माबाट मात्र अवलोकन गर्न सकिने छ ।
धार्मिक मान्यता अनुसार सूर्यग्रहण मेष राशि, सिंह राशि, कन्या राशि र मकर राशि भएका मानिसहरुले हेर्न सकने छन भने अन्य राशि भएकाले हेर्दा अशुभ हुने छ । तर खगोलविद्हरुले भने सूर्यग्रहण कसैले पनि सिधा हेर्न नहुने र सुरक्षित तरिका अपनाएर हेर्न हुने बताउँछन् ।
तस्बिरः प्रदीपराज वन्त/रासस
प्रतिक्रिया