तिलोत्तमा नगरपालिकाले क्रिकेटर भुर्तेललाई ५० हजार सहित सम्मान गर्ने

बुटवल । तिलोत्तमा नगरपालिकाले राष्ट्रिय क्रिकेट टिमका खेलाडी कुशल भुर्तेललाई ५० हजार सहित सम्मान गर्ने भएको छ ।

त्रिवि क्रिकेट मैदानमा हिजो भएको युएई विरुद्धको खेलमा ५० रन बनाएका भुर्तेललाई नगरपालिकाले ५० हजार नगद सहित सम्मान गर्ने भएको हो ।

उनी तिलोत्तमा ९ निवासी दिपक भुर्तेलका छोरा हुन । भुर्तेलले हिजो भएको युएईसँगको एकदिवसीय प्रतियोगितामा ३५ बलमा ३ चौका र ४ छक्कासहित ५० रन पूरा गरेका थिए ।