टोपबहादुरप्रति एमाले पूर्वसांसद पाठकको टिप्पणी – फरारको अर्थ अपराध स्वीकार्नु हो

काठमाडौं । नेकपा एमालेका पूर्वसांसद सुर्य पाठकले पार्टी सचिव टोपबहादुर रायमाझी फरार भएको विषयमा टिप्पणी गरेका छन् ।

पाठकले एक दुई जना नेताले गरेको गलत कार्यको प्रश्न लाखौं कार्यकर्ताले बोक्न नसक्ने पनि जनाएका छन् ।

‘फरारको अर्थ अपराध स्विकार गरेको अर्थ हो, यो जसले पनि बुझ्ने कुरा हो, गल्ती नगरेको भए गिरफ्तारी दिएर अनुसन्धानलाई सघाउनु पर्थ्यो,’ पाठकले सामाजिक सञ्जाल फेसबुकमा लेखेका छन, ‘१,२ जना नेताले गरेको गलत कुराको प्रश्नको भारी लाखौं एमाले कार्यकर्ताले बोक्न सक्दैनन, सुशासको मामलामा कुनै इफ र बटले काम गर्दैन ।’

नक्कली भुटानी शरणार्थी मुद्दामा पक्राउ पूर्जी जारी गरिए पछि एमाले सचिव रायमाझी फरार भए पछि उनको यो टिप्पणी आएको हो ।