१७ बैशाख २०८१, सोमबार | April 29, 2024

रकम कुम्ल्याएर बेपत्ता भएका शाइन सहकारीका अध्यक्ष विदेश उड्ने हल्ला सुनेपछि प्रहरी गुहार्दै बचतकर्ता



बुटवल । बचतकर्ता, लगानीकर्ता र कर्मचारीको लाखौ रकम लिएर बेपत्ता भएका शाइन बहुद्देश्यीय सहकारी संस्थाका अध्यक्ष प्रकाश खनालको खोजी गर्न इलाका प्रहरी कार्यालय बुटवलले तदारकता नदेखाएको भन्दै बचतकर्ताहरु जिल्ला प्रहरी कार्यालय गुहार्न भैरहवा पुगेका छन् ।

बुटवलबाट सम्पर्क बिहिन भएका खनाल विदेश जाने हल्ला सुनेसँगै बचतकर्ताहरू उनालाई विदेशजानबाट रोक्न माग गर्दै जिल्ला प्रहरी कार्यालय गुहार्न पुगेका हुन् ।

बचतकर्ताहरुको उजुरीका आधारमा जिल्ला प्रहरी कार्यालयले सबै युनिटहरुमा खोजविनका लागि पत्राचार गरेको जिल्ला प्रहरी कार्यालय रुपन्देहीले जनाएको छ ।

बचतकर्ताले अध्यक्ष खनाल बुधबार विदेश जान लागेको जानकारी पाएपछि विदेश जानबाट रोक लगाउन भन्दै प्रहरीमा निवेदन परेको रुपन्देही प्रहरी प्रवक्ता डीएसपी श्यामु अर्यालले बताए । उनले सहकारीका अध्यक्ष खनालको खोजविनका लागि मातहतका युनिटहरुमा सूचित गरिएको पनि बताए ।

सहकारीबाट पीडित बचतकर्ता टेकराज पन्थीले अध्यक्ष खनाल विदेश जान सक्ने देखिएकाले प्रहरीमा सहयोग मागिएको बताए । सम्पर्क बाहिर रहेका खनालले काठमाडौंमा रहेको सूचना सार्वजनिक गरेपनि उनी अर्घाखाँचीको मैदानामा पछिल्लो पटक देखिएको स्रोतले दाबी गरेको छ । पछिल्लो सम्पर्कमा अध्यक्ष खनालले केही मिडियामा समाचार आएपछि आफू सम्पर्कविहीन हुनुपरेको जानकारी दिँदै छिट्टै सबैको हिसाव मिलाउने आश्वासन दिएको पीडितहरूले बताएका छन्।

खनालले बचतकर्ता, लगानीकर्ता सहित कर्मचारीको तलव र सहकारीमा राखेको निक्षप रकम समेत कुम्ल्याएर बेपत्ता भएको पीडितहरुको गुनासो छ ।

प्रकाशित मिति : २३ जेष्ठ २०८०, मंगलबार  ८ : ३४ बजे

वीरगञ्जमा प्रहरीले गोली चलाएर एक जना अपराधीलाई लियाे नियन्त्रणमा

वीरगन्ज । वीरगञ्जमा प्रहरीले गोली चलाएर एक जना अपराधीलाई नियन्त्रणमा

संस्कृतिमार्फत पर्यटन प्रवर्द्धनमा गङ्गाजमुना गाउँपालिका

धादिङ । धादिङको उत्तरी क्षेत्र गङ्गाजमुना गाउँपालिकाले संस्कृतिमार्फत आन्तरिक तथा

इलाम उपनिर्वाचन : कांग्रेसभन्दा एमाले २ हजार ६१८ मतले अगाडि

काठमाडौं । इलाम-२ उपनिर्वाचनमा नेकपा एमालेको अग्रता कायम छ ।

उच्च गतिको विद्युत् प्रवाह हुँदा ६० घरमा क्षति

म्याग्दी । म्याग्दीको अन्नपूर्ण गाउँपालिका-६ घरमा आइतबार उच्च गतिको विद्युत्

डोटीमा एक पुरुषको शव फेला

डोटी । डोटीमा एक पुरुषको शव फेला परेको छ ।