बुटवल । बुटवलमा लागुऔषधसहित रामेछापका एक युवा पक्राउ परेका छन । बुटवल उपमहानगरपालिका वडा नम्बर ६, लुम्बिनी प्रादेशिक अस्पतालअगाडीबाट लागुऔषधसहित प्रहरीले रामेछाप नगरपालिका-४ घर भई कास्की जिल्ला पोखरा महानगरपालिका-६ बस्ने ३६ वर्षीय प्रबिन थापालाई पक्राउ गरेको हो ।
शनिबार दिउसो शंकास्पद अवस्थामा देखेपछि प्रहरीले खानतलासी गर्ने क्रममा लागुऔषधसहित युवालाई पक्राउ गरेको इलाका प्रहरी कार्यालय बुटवलका प्रहरी नायव उपरिक्षक दान बहादुर थापाले जानकारी दिए ।
थापाको साथबाट प्रहरीले फेनरागन २ एमएलको ४८ एप्पुल (सिसि), नुफिन २ एमएलको ४८ एप्पुल (सिसि) र डाइजेपाम २ एमएलको ४८ एप्पुल (सिसि) बरामद गरिएको इलाका प्रहरी कार्यालय बुटवलले जनाएको छ । ओसारपसारमा संलग्न ती युवालाई पक्राउ गरी थप अनुसन्धान अघि बढाइएको प्रहरी नायव उपरिक्षक थापाले जनकारी दिए ।
प्रतिक्रिया