बुटवल । शुक्रबार रातीबाट भएको अविरल वर्षाका कारण तिनाउ नदीसहित अन्य खहरे खोलाहरुमा बाढीले जलसतह बढेको छ भने वर्षासँगै बुटवलका सडक तथा बस्तीहरु जलमग्न भएका छन् । बुटवल उपमहानगरले वर्षा पूर्वको सतर्कतामा ध्यान नदिएका कारण बजार क्षेत्र जलमग्न भएको हो ।
सुर्ती, गुटखा र ब्यवसायीहरुले सडकमा फालेका प्लास्टिकले सडक किनारको ढल अवरुद्ध भएसँगै वर्षाको पानी सडकमा बग्न थालेको हो । उपमहानगर क्षेत्रका बिभिन्न स्थानमा सडकमा बाढी आएको छ । वर्षा सुरुहुनु पूर्व उपमहानगरले ढल सफा नगरिदिएकाले बजार क्षेत्रमा बाढी आएको एक स्थानीयले बताए ।
उता तिनाउ नदीले जलसतह सतर्कता तह पार गरेको बाढी मापन केन्द्रले जनाएको छ । यसैगरि देवदह र तिलोत्तमा सीमामा रहेको रोहिणी खोला, सैनामैना र बुटवलको सीमामा रहेको करेसाघाट खोला, दानव नदी लगायतका खोलामा बाढीले नदी आसपासका स्थानीयमा जोखिम थपिएको छ ।
बाढी मापदन केन्द्र बुटवलले सुचना जारी गर्दै बुटवलससहित पाल्पा र आसपासका क्षेत्रमा ठूलो वर्षा भई नदी तथा खोला तटिय क्षेत्रमा बाढीको जोखिम बढेकाले दिउँसो ३ बजेसम्म सचेतना अपनाउन आग्रह गरेको छ ।
प्रतिक्रिया