काठमाडौं । सिन्धुपाल्चोकको बाह्रबिसेमा अविरल वर्षापछि गएराति गएको भीषण बाढी र पहिरोमा परी घाइते भएकाहरुको उद्दार कार्य जारी छ ।
काठमाडौबाट गएका दुई वटा हेलिकोप्टरमार्फत घाइतको उद्दार गरिएको हो । बाढीसँगै आएको पहिरोमा परेर घाइते भएकामध्ये चार जनालाई काठमाडौँ लगिएको जिल्ला प्रहरी कार्यालय सिन्धुपाल्चोकका एसपी प्रज्वल महर्जनले बताए।
कैलाश एयरको हेलिकोप्टरमा सुवेश तामाङ र सविता बस्नेत नामका दुई घाइतेको उद्दार गरिएको छ भने माउन्टेन एयरको हेलिकोप्टरले फुर्वा तामाङ र १० दिनको बच्चालाई उद्दार गरिएको छ ।
यसअघि सभामुख अग्निप्रसाद सापकोटासहित गएको हेलिकोप्टर भने खराब मौसमका कारण सिन्धुपाल्चोक पुग्न सकेको थियो । सो हेलिकोप्टर धुलिखेलको आकाशबाट फर्किएको थियो ।
बाह्रबिसेको जम्बुमा ठाडो खोलामा आएको बाढी आउँदा दुई जनाको मृत्यु भएको थियो भने १८ जना व्यक्ति वेपत्ता भएका छन् । अहिले पनि त्यस क्षेत्रमा उद्दारकार्य जारी रहेको छ ।
प्रतिक्रिया