काठमाडौं । बर्दियामा १४ वर्षिया किशोरीलाई ६६ वर्षिय बृद्दले बलात्कार गरेका छन् । १४ वर्षीया बालिकालाई जबरजस्ती करणी गरेको अभियोगमा ६६ वर्षिय बृद्द प्रहरीले पक्राउ गरेसँगै बलात्कारको घटना सार्वजनिक भएको हो ।
पक्राउ पर्नेमा बर्दियाको राजापुर नगरपालिका(४ भिमापुर घर भई गेरुवा गाउँपालिका(५ लक्ष्मीपुरस्थित छोरीको घरमा बस्दै आएका ६६ वर्षीय रामफल थारू रहेका छन् । थारूले ती बालिकालाई गत सोमबार साँझ जबरजस्ती करणी गरेको भन्ने उजुरीको आधारमा ईलाका प्रहरी कार्यालय पाताभारबाट खटिएको प्रहरीले उनलाई पक्राउ गरेको बर्दिया प्रहरीले जनाएको छ ।
उता उदयपुरमा ५५ वर्षीया महिला बलात्कृत भएकी छन् । उनलाई उदयपुरको चौदण्डीगढी नगरपालिका(६ सिरुवानी बस्ने ५२ वर्षीय दिपराज बास्तोलाले बलात्कार गरेको प्रहरीले जनाएको छ । बास्तोलाल्ँई जबरजस्ती करणी गरेको अभियोगमा प्रहरीले पक्राउ गरेको छ । बास्तोलाले ती महिलालाई असार १३ गते सोही नगरपालिका(६ सिरुवानीस्थित जंगलमा च्याउ टिप्न गएको अवस्थामा जबरजस्ती करणी गरेको प्रहरीले जनाएको छ ।
पीडितको उजुरीको आधारमा ईलाका प्रहरी कार्यालय बेल्टारबाट खटिएको प्रहरीले उनलाई पक्राउ गरेको उदयपुर प्रहरीले जानकारी दिएको छ ।
प्रतिक्रिया