काठमाडौं । फेक न्यूजका उत्पादक भारतीय टेलिभिजन च्यानलहरूलाई नेपालका वितरकहरूले प्रसारणमा रोक लगाएका छन् ।
विदेशी च्यानल वितरक मल्टि सिस्टम अपरेटर (एमएसओ) हरुले भारतीय न्युज च्यानलहरुको प्रसारण नेपालमा बन्द गरेका हुन् ।
डिसहोम,मेगा म्याक्स, डिएसएन, मेरो टिभीलगायतका अपरेटहरुले सामुहिक रुपमा भारतीय न्युज च्यानलहरुको प्रसारण बन्द गर्ने निर्णय गरेका हुन् ।
सरकारले भारतीय न्यूज टेलिभिजनहरूमाथि कुनै कारवाही नगरेपनि वितरकहरूले प्रसारण रोकेका हुन ।
बिहीबार साँझदेखि दूरदर्शनबाहेक सबै भारतीय न्युज च्यानलको प्रसारण रोकिएको छ ।
भारतीय टिभी च्यानलहरुले नेपालका बारेमा फेक न्यूज प्रसारण गर्दै आएका छन् ।
पछिल्लो समय जि न्यूज नामको टिभीफे प्रधानमन्त्री केपी शर्मा ओली र चिनियाँ राजदूतको नाम जोडेर आपत्तिजनक रिपोर्ट प्रसारण गरेपछि सामाजिक सञ्जालमा भारतीय न्यूज टिभी रोक्नुपर्ने आवाज उठेको थियो ।
बिहीबार सरकारका प्रवक्ता डा. युवराज खतिवडाले भारतीय संचारमाध्यमबाट भैरहेको गलत, आधारहीन र भ्रामक समाचारको कानुनी र कुटनीतिक माध्ममबाट विरोध गरिने बताएका थिए ।
खतिवडाले प्रतिबन्ध लगाउनेबारेमा भने कुनै निर्णय नगरिएको बताएका थिए ।
प्रतिक्रिया