तिनाउ किनारमा २५ वर्षिया युवतीको शव फेला

बुटवल । रूपन्देहीको कोटहीमाई ५ स्थित तिनाउ नदी किनारमा बेवारिसे महिलाको शव फेला परेको छ। अन्दाजी २५ वर्षकी महिलाको शव नदीमा तैरिरहेको अवस्थामा आईतबार बुलेका ७ः३० बजे स्थानीयले देखेपछि प्रहरीलाई खबर गररेका थिए ।

तिनाउ नदी किनारमा बेवारिसे शव फेला परेको रुपन्देही प्रहरी प्रवक्ता डीएसपी श्यामु अर्यालले बताए । टिसर्ट र लुङ्गी लगाएकी गोरो रंगभएकी महिला थारू वा पहाडी समुदायको हुनसक्ने प्रहरीले प्रारम्भीक अनुमान गरेको छ । शवको सनाखत भइनसकेको डीएसपी अर्यालले बताए ।

स्थानीबाट जानकारी पाए लगत्तै घटना स्थलमा पुगेर स्थानीय जनप्रतिनिधिको रोहबरमा मुचुल्का गरी शवलाई पोस्टमार्टमका लागि भिम अस्पतालमा भैरहवा पठाइएको प्रहरीले जनाएको छ ।

घटनाको प्रहरीले अनुसन्धान सुरु गरेको छ ।