काठमाडौं । प्रधानमन्त्रीसमेत रहेका माओवादी केन्द्रका अध्यक्ष तथा संसदीय दलका नेता पुष्पकमल दाहाल प्रचण्डले संसदमा प्रभावकारी भूमिका निर्वाह गर्न निर्देशन सांसदलाई दिएका छन् ।
सोमबार संघीय संसदका दुवै सदन प्रतिनिधिसभा र राष्ट्रिय सभा बैठक बोलाइएको छ ।
दुवै सदनका बैठक बस्नुअघि सोमबार बिहान सिंहदरबारमाम बसेको मा माओवादी संसदीय दलको बैठकमा नेता प्रचण्डले संसदमा प्रभावकारी भूमिका निर्वाह गर्न आफ्ना सांसदलाई निर्देशन दिएका हुन् ।
बैठकले प्रमुख प्रतिपक्षी दलद्वारा अवरुद्ध हुँदै आएको संसद खुलाउन सम्बद्ध दलहरुसँग छलफल गर्ने निर्णय गरेको छ । एक क्वीन्टल सुन प्रकरणमा उच्चस्तरीय छानबिन समिति गठनको माग गर्दै प्रमुख प्रतिपक्षी नेकपा एमालेले प्रतिनिधिसभा र राष्ट्रिय सभा अवरूद्ध गर्दै आइरहेको छ।
बैठकमा संसदीय समितिका सभापति चयनका विषयमा पनि छलफल भएको छ ।
प्रतिक्रिया