संखुवासभामा पहिरो जाँदा ११ जना बेपत्ता, प्रहरी घटनास्थल पुग्दै

संखुवासभा । अबिरल वर्षका वर्षाका कारण गएराति संखुवासभामा पहिरो जाँदा ११ जनाका बेपत्ता भएका छन् । संखुवासभाको सिलिचोङ गाउँपालिकामामा पहिरो गएको हो ।

जिल्ला प्रहरी कार्यालय, संखुवासभाले घटनास्थलमा सिलिचोङ प्रहरी कार्यालयबाट घटनास्थलतर्फ टोली पठाए पनि भारी वर्षका कारण प्रहरी घटनास्थल पुग्न नसकेको प्रहरीले जनाएको छ ।

जिल्ला प्रहरी कार्यालय सुंखुवासभाका नायव प्रहरी उपरिक्षक नवराज मल्लले त्यस क्षेत्रममा पहिरोले ८ वटा घर पुरेको खबर आएको बताएका छन् ।

मल्लका अनुसार वर्षाका कारण सदरमुकाम खाँदबारीका विभिन्न ठाउँमा पनि पहिरो गएको छ । क्षतिको विवरण संकलन गर्ने कार्य भइरहेको छ । प्रहरी घटनास्थल पुगेपछिमात्र बिस्तृत विवरण आउने मल्लले बताए ।