प्रधानमन्त्री प्रचण्ड चीनको हाङ्जाओमा, राष्ट्रपति सीसँग आजै भेटवार्ता हुने

काठमाडौं । प्रधानमन्त्री पुष्पकमल दाहाल प्रचण्डले आजबाट छिमेकी मित्रराष्ट्र चीनको भ्रमण सुरु गरेका छन् ।

अमेरिकाको न्यूयोर्कबाट प्रधानमन्त्री प्रचण्ड पूर्वी चीनको सुन्दर पर्यटकीय शहर हाङ्जाओ पुगेका छन् । आजबाट सुरु हुने एशियाली खेलमा आतिथ्यता ग्रहण गरेर चीन को अफिसियल भ्रमण सुरु गर्न लागेका प्रचण्डलाई हाङ्जाओ अन्तराष्ट्रिय विमानस्थलमा चिनियाँ उपप्रधानमन्त्री हि ली फाङले स्वागत गरेका छन् । विमानस्थलमा प्रधानमन्त्री प्रचण्डलाई भव्य स्वागत गरिएको छ ।

प्रचण्डले चिनियाँ राष्ट्रपति सी चिनपिफङसँग आजै भेटवार्ता हुने कार्यक्रम रहेको छ । प्रचण्डलाई राष्ट्रपति सीले सिहु होटलमा दिवा भोजसहित स्वागत गर्नेछन् । त्यसपछि पुनः सोही होटलमा अपरान्ह साँझ ४४० बजे देखि ५ २० सम्म आधा घण्टा दुईपक्षीय भेटवार्ता हुनेछ ।