काठमाडौं । नेकपा एमाले बागमती प्रदेशको प्रथम अधिवेशनबाट अध्यक्ष पदमा कैलाश ढुंगेल निर्वाचित भएका छन् । शुक्रबार सम्पन्न निर्वाचनमा अर्का अध्यक्ष पदका प्रत्यासी कृष्णप्रसाद दाहाललाई पराजित गर्दै ढुंगेल निर्वाचित भएका हुन् । ढुङ्गेले ६ सय ९६ मत प्राप्त गर्दा दाहालले ४ सय ३९ मत मात्र पाएका छन् ।
उपाध्यक्ष पदमा दावा दोर्जे लामा विजयी भएका छन् । त्यसैगरि सचिवमा नवराज सिलवाल एक मतको अन्तरले विजयी भएका छन् । सिलवाले ५ सय ६८ मत प्राप्त गर्दा अर्का प्रत्यासी हस्त पण्डितले जम्मा ५ सय ६७ मत मात्र प्राप्त गरे ।
खुला उपसचिवमा प्रेम कुमार महर्जन र महिला उपसचिवमा भक्त कुमारी लामा विजयी भएका छन् । सहमतिमा नेतृत्व चयन गर्ने प्रयास असफल भएपछि विद्युतीय मेसिनमार्फत् पार्टी कार्यालय च्यासलमा आज मतदान भएको थियो । मतदानमा १ हजार १ सय ३५ मत खसेको थियो ।
प्रतिक्रिया