बाँके । ठूलो परिमाणको लागुऔषध अफिमसहित बाँके प्रहरीले एक जनालाई पक्राउ गरेको छ । कोहलपुरको गोलपार्क स्थित रहेको एल.बिगेष्ट हाउसबाट लागुऔषध अफिमसहित कोहलपुर २ का ३२ वर्षीय भविलाल पुनलाई प्रहरीले पक्राउ गरेको हो ।
लागुऔषध सहित गेष्ट हाउसमा कोठा लिएर बसिरहेको भन्ने बिशेष सुचनाका आधारमा खानतलासी गर्दा उनलाई पक्राउ गरिएको प्रहरीले जनाएको छ ।
प्रहरीका अनुसार पक्राउ परेका पुनको साथबाट ४ किलो १७४ ग्राम अफिम बरामद भएको छ । उनलाई नियन्त्रणमा लिएर थप अनुसन्धान भइरहेको ईलाका प्रहरी कार्यालय कोहलपुरले जनाएको छ ।
प्रतिक्रिया