काठमाडौं । नेपाल आयल निगमले डिजेल र मट्टितेलको मूल्य घटाएको छ ।
निगमले मंगलबार विज्ञप्ति जारी गर्दै डिजेल र मट्टितेलको मूल्य प्रतिलिटर ४ रुपैयाँले घटाएको छ । नयाँ मूल्य बुधबार बिहान १२ बजेर १ मिनेटदेखि लागू हुने निगमले जनाएको छ ।
नयाँ मूल्य समायोजनापछि अब काठमाडौं उपत्यकामा डिजेल र मट्टितेलको मूल्य प्रतिलिटर १६४ रुपैयाँ पर्नेछ । यसअघि प्रतिलिटर १६८ रुपैयाँ थियो । स्वचालित प्रणालीअनुसार मूल्य समायोजन गरिएको निगमले जनाएको छ ।
पेट्रोल र एलपी ग्यासको मूल्य भने निगमले घटाएको छैन । यसअघिको मूल्य समायोजनामा पेट्रोलको मूल्य प्रतिलिटर ११ रुपैयाँले घटेको थियो ।
प्रतिक्रिया