नेपालगन्ज । जाजरकोट केन्द्रबिन्दु भएर गएको भूकम्प पीडितहरुलाई नेपालगन्जका मुस्लिम समुदायले राहत पठाएका छन् । नेपाल मुस्लिम समाजको अगुवाईमा नेपालगन्जमा मुस्लिम समुदायले भूकम्प पीडितहरुलाई राहत पठाएका हुन् ।
मुस्लिम अगुवा मेराज अहमद हिमालयले मुस्लिम समुदायले संकलन गरेको राहत सामाग्री आज जाजरकोट पुगेर सरकारी अधिकारीहरुलाई हस्तान्तरण गरेको जानकारी दिए । चामल, आलु, प्याज, बिस्कुट, चिउरा, आवश्यक भाँडाकुँडा, सहित कम्बल, म्याट, त्रिपाल र न्यानो कपडा लिएर नेपाल मुस्लिम समाजका अध्यक्ष अब्दुल हकिम हल्वाईकोे नेतृत्वमा मुस्लिम अगुवाहरु भूकम्प प्रभावित जिल्लामा पुगेको मेराजले बताए ।
एक नेपालीलाई पर्दा अर्को नेपालीको साथ हुनुपर्ने भावनालाई आत्मसाथ गर्दै समुदायबाट स्वस्फुर्त राहत सहयोग गरेको मेराजले बताए ।
प्रतिक्रिया