बेनी । जलजला गाँउपालिका अन्तर्गत मल्लाज कोत भगवती मन्दिरको पुनःनिर्माण कर्ता शिवकुमार श्रेष्ठको मृत्युको १३ औ दिनमा मन्दिर प्राङ्गनमा शोसभाको आयोजना गरिएको छ । कोत भगवती पूजा समितिले श्रेष्ठको शोकमा शोकसभा राखेको हो ।
समितिका उपाध्यक्ष हरिबहादुर जीसीको अध्यक्षतामा भएको शासभामा बोल्ने वक्ताहरुले श्रेष्ठको मल्लाज बनाउने ठुलो सपना बिचमै अधुरो भएको बताए । उनीहरुले गाँउको शिक्षा र धार्मिक कार्यका लागि श्रेष्ठले गुरुयोजनाहरु बनाउँदा बनाउँदै निधन भएको बताए । काठमाडौंमा उद्योग चलाएपनि श्रेष्ठको ध्यान मल्लाज र गाँउकै सेरोफेरोमा रहने गरेको स्मरण गर्दै वक्ताहरुले परिवारलाई धैर्यधारण गर्न कोत भगवतीले शक्ति प्रदान गर्न प्रार्थना गरे ।
कार्यक्रममा पूजा समितिका पूर्व अध्यक्ष डम्बरबहादुर घर्ती, मन्दिर पुनः निर्माण समितिका संयोजक क्याप्टेन टेकबहादुर जीसी, महायज्ञका महासचिव थलबहादुर जीसी लगायतले श्रेष्ठप्रति श्रद्धान्जली अर्पण गरेका थिए ।
नविन जीसीले संचालन गरेको शोकसभामा श्रेष्ठको स्मृतिमा १ मिनेट मौनधारण गरिएको थियो । मल्लाजमा जन्मेका श्रेष्ठले काठमाडौमा पस्मिना उद्योग संचालन गरेर नेपाली पस्मिनालाई अन्तराष्ट्रियकरण गर्न महत्वपूर्ण भुमिका निभाएका थिए । श्रेष्ठको गत मंसिर १० गते मेडिसिटी अस्पतालमा उपचारका क्रममा मृत्यु भएको थियो । स्वर्गीय श्रेष्ठले पर्वत मल्लाज र त्यस आसपासको स्मरणमा भाग र भोग नामको पुस्तक समेत लेखेका थिए ।
प्रतिक्रिया