बुटवल । २१ औं जयकर मेमोरियल टेनिस प्रतियोगिता-२०८० को उपाधि बुटवल स्थित न्यू होराइजनका निश्चल ज्ञवालीले हात पारेका छन् । अण्डर ९ वर्षको प्रतियोगिताको उपाधि ज्ञवालीले हात पारेका हुन् ।
उनले काठमाडोंका बेदान्त चालिसेलाई ४-२, ५-३ सोझो सेटमा जित्दै गोल्ड स्वर्ण पदक सहित नगद पुरस्कार हासिल गरे । स्वर्ण बिजयतालाई १२ हजार नगद पुरस्कार दिइएको छ । त्यस्तै उमेर समुह १० मा ज्ञवालीले नै दोस्रो स्थान हासिल गर्दै रजत पदक सहित ७ हजार ५०० पुरस्कार हात पारे ।
सोही खेलमा बुटवलकै बृजेश अर्यालले उमेर १४ समुहमा काठमाडोंका बोरिस अधिकारीलाई ७-४, ७-५ को सोझो सेटमा जितेर स्वर्ण पदक सहित नगद २० हजार पुरस्कार प्राप्त गरे । प्रतियोगितामा लगातार खेलाडीहरुले टेनिस प्रतियोगितामा उपाधि प्राप्त गर्दै रुपन्देहीलाई टेनिसको समभावनाको जिल्ला बनाउँदै लगेको टेनिस संघ रुपन्देहीका अध्यक्ष गोपाल ज्ञवालीले बताए ।
प्रतिक्रिया