काठमाडौं । अन्तरसंघर्ष विस्फोटक अवस्थामा पुगेको सत्तारुढ नेपाल कम्युनिष्ट पार्टी नेकपाको स्थगित गरिएको भनिएको बैठक बहुसंख्यक सदस्यको उपस्थितिमा अघि बढेको छ ।
बिहान ११ बजे बस्ने भनिएको बैठकलाई अध्यक्ष एवं प्रधानमन्त्री केपी शर्मा ओलीले एकपक्षीय रुपमा स्थगित गरेपछि अध्यक्ष पुष्पकमल दाहाल प्रचण्डले बहुमत सदस्यहरुको बैठकलाई अघि बढाएका हुन् ।
बैठकलाई अघि बढाउँदै प्रचण्डले बैठकलाई ठ्याक्कै स्थायी कमिटीको बैठक नभनेर स्थायी कमिटीका बहुमत सदस्यहरुको बैठक भनेका छन् ।
पार्टीमा अझै पनि सहमतिको खोजी आवश्यक रहेको भन्दै प्रचण्डले बैठकको निरन्तरता भन्दा पार्टी दुर्घटनामा पर्न सक्ने बताएका थिए । प्रचण्डले ओलीले अध्यक्षात्मक प्रणालीलाई नै चुनौति दिनेगरी बिहान स्थगित गरेको काम वैधानिक नभएको टिप्पणी गरेका छन् ।
ओलीले बैठक स्थगित गरेपछि पनि प्रचण्डसहितका सबै स्थायी कमिटी सदस्यहरु बालुवाटार पुगेका थिए । केही बेर ओलीसँग छलफल गरेका प्रचण्डले बैठक नरोक्ने निस्कर्षमा पुगेका हुन् ।
बिहानको बैठक एकपक्षीय रुपमा स्थगित गरेपछि ‘फायर’ भएका प्रचण्ड नेपाल पक्षका सबै नेताहरु बालुवाटार पुगेर बैठक अघि बढाउनुपर्ने माग गरेका थिए ।
बैठकमा ओली पक्षका नेताहरु भने सहभागी भएनन् ।
प्रतिक्रिया