विगतको गल्ती स्वीकार्दै वामपन्थी एकताको अध्याय सुरू भयोः माओवादी
काठमाडौं । नेकपा माओवादी केन्द्रले बिगतमा बामपन्थी एकता भंग गरेर नेपाली कांग्रेससँग गठबन्धन गर्नु गल्ती भएको स्वीकार गरेको छ ।
नयाँ राजनीतिक परिस्थितिमा बसेको माओवादी पदाधिकारी बैठकलेले विगतमा वामपन्थी एकता भंग गर्नु गलत भएको स्वीकार गर्दै नयाँ एकताका लागि पहल गरेको हो ।
‘आजै एकताको कुरा त होइन तर फेरि पनि सरकार पुनर्गठनको प्रसङ्गसँगै हिजोको गल्ती स्वीकारेर नेपालको वामपन्थीहरू फेरि एक हुने अध्यायको सुरुवात भएको छ,’ बैठक पछि माओवादी नेता देवेन्द्र पौडेलले भने ।
उनका अनुसार नेकपा एमालेसँग गठबन्धन गर्ने निर्णयमा पुग्ने जनाएको माओवादीले माधवकुमार नेपाल नेतृत्वको नेकपा एकीकृत समाजवादीलाई पनि तत्कालका लागि गठबन्धनमा समेटेर लैजाने भन्ने निर्णय पनि भएको छ ।
बैठकमा अध्यक्ष एवं प्रधानमन्त्री प्रचण्डले कांग्रेससँग देखिएको समस्या र नयाँ गठबन्धन बन्नुका कारणबारे नेताहरुलाई जानकारी गराएका थिए ।
प्रतिक्रिया