बुटवलमा कोरोना संक्रमण पुष्टि भएका २ जना बेपत्ता, संक्रमण पुष्टि भए लगत्तै सम्पर्क बिहिनको खोजी हुँदै

खबर कुरा
१७ श्रावण २०७७, शनिबार

बुटवल । बुटवलमा कोरोना संक्रमण पुष्टि भएका २ जना सम्पर्क बाहिर पुगेका छन् । लुम्बिनी प्रादेशीक अस्पतालको प्रयोगशालामा परीक्षणबाट कोरोना पुष्टि भएका उनीहरु पुष्टि भएको जानकारी पाए लगत्तै सम्पर्क बाहिर गएको बताईएको छ ।

लुम्बिनी प्रादेशिक अस्पताल बुटवलको प्रयोगशालामा शुल्क तिरेर शुक्रबार स्वाब संकलन गरिएकोमा उनीहरुको रिपोर्ट पोजेटिभ आएको र पोजिटिभ रिपोर्ट आएको पहिलो सुचना पाएसँगै सम्पर्क बाहिर गएको प्रदेश जनस्वास्थ्य प्रयोगशाला प्रमुख डाक्टर राजेन्द्र गिरीले बताए ।

बुटवल उपमहानगरपालिका वडा नं ६ ठेगाना टिपाएका उनीहरु सम्पर्क बाहिर गएपछि स्थानीय जनप्रतिनिधि र प्रशासनलाई समेत खोजीका लागि अनुरोध गरिएको डाक्टर गिरीले बताए । अस्पतालमा शुल्क तिरेर पीसीआर परीक्षण गराएका उनीहरुको बिषयमा थप जानकारीका लागि सम्पर्क गर्दा लुम्बिनी प्रादेशीक अस्पतालका प्रवक्ता डाक्टर बिष्णु गौतमको मोबाईल उठेन ।

परिक्षणमा पोजेटिभ देखिएका व्यक्ति नै सम्पर्कमा नआउँदा उनीहरुको ट्राभल हिस्ट्री र उनीहरुको कारण समाजमा अझै जोखिम बढ्ने देखिएको छ ।
प्रयोशशाला प्रमुख डाक्टर गिरीका अनुसार उनीहरु भारतबाट आएका र पुन भारत जानका लागि पीसीआर परीक्षण गराउन अस्पताल पुगेका थिए । उनीहरुले निर्धारित शुल्क भुक्तानी गरेर पीसीआर परीक्षण गराएका थिए ।

उनीहरुले आफ्नो ठेगाना बुटवल ६ र एनसेलको मोबाईल नम्बर टिपाएका थिए । नतिजा पोजेटिभ आएको भन्ने पहिलो कल रिसीभ गरेपनि त्यस लगत्तै उनीहरुले मोबाईल सम्पर्क नहुने बनाएका थिए ।

यसमा तपाइको मत

Your email address will not be published. Required fields are marked *


*