एजेन्सी । ‘हेड्स अप एफए कप’ फुटबलको उपाधि आर्सनलले जितेको छ ।
शनिबार राति भएको फाइनलमा चेल्सीलाई २–१ ले पराजित गरी आर्सनलले कीर्तिमानी १४ औँ पटक एफए कपको उपाधि जितेको हो ।
घरेलु मैदानमा भएको खेलमा आर्सनलका लागि दुवै गोल पिएर एमरिकले गरेका हुन् । उनले २८ औँ मिनेटमा पाएको पेनाल्टी र ६७ औँ मिनेटमा गोल गरे ।
क्रिष्टियन पुलिसिकले पाँचौँ मिनेटमा गरेको गोलबाट सुरुवाति अग्रता लिएको चेल्सीले त्यसलाई जोगाउन सकेन । ७३ औँ मिनेटमा कोभासिक दोहोरो पहेँलो कार्ड पाएर मैदानबाट बाहिरिएपछि चेल्सी १० खेलाडीमा सीमित भएको थियो ।
पूर्व खेलाडी मिकेल आर्तेताले प्रशिक्षकका रुपमा पहिलो सिजनमै प्रमुख उपाधि जितेका हुन् ।
यो खेललाई प्रशिक्षकबिचको प्रतिस्पर्धाका रुपमा पनि हेरिएको थियो । त्यसमा बाजी आर्तेताले मारे । तर फ्र्यांक लाम्पार्डको टिमले पनि राम्रो प्रदर्शन गरेको थियो । प्रशिक्षकका रुपमा पहिलो सिजनमा लाम्पार्डले उपाधि भने जित्न सकेनन् ।
जित निकालेको आर्सनलले आउँदो सिजन युरोपा लिगका लागि स्थान पक्का पनि गरेको छ ।
प्रतिक्रिया