बुटवल । पूर्वसभामुख एवं नेकपा (माओवादी केन्द्र)का उपाध्यक्ष कृष्णबहादुर महारा पक्राउ परेका छन् ।
विद्युृतीय चुरोट भेपमार्फत सुन तस्करीको अभियोग लागेका महरालाई कपिलवस्तुको पकडीबाट प्रहरीले नियन्त्रणमा लिएको हो । महरालाई भैरहवाबाट काठमाडौं लैजाने तयारी गरिएको प्रहरी स्रोतले बताएको छ ।
सुन तस्करी सम्बन्धी छानबिन गर्न गठित उच्चस्तरीय जाँचबुझ आयोगले महरालाई मुद्दा चलाउन सिफारिस गरेको थियो । महारासँग आयोगले यसअघि बयान समेत लिएको थियो ।
गृहमन्त्री रवि लामिछानेले आयोगको प्रतिवेदन बुझेपछि प्रधानमन्त्री पुष्पकमल दाहाल प्रचण्डलाई सो प्रतिवेदन बुझाएका थिए । प्रधानमन्त्री प्रचण्डले आयोगको सिफारिसलाई कार्यान्वयन गर्ने प्रतिवद्धता जनाएका थिए । सोहीअनुसार गृहमन्त्री लामिछानेले आइतबार प्रहरीको उच्च नेतृत्वलाई महरालाई पक्राउ गर्न निर्देशन दिएका थिए ।
यही अभियोगमा महराका कान्छा छोरा राहुल महरा पुर्पक्षका लागि थुनामा रहेका छन् ।
प्रतिक्रिया