नेपालगन्ज । बाँकेमा दुई जना चिकित्सक र ५ जना अदालतका कर्मचारी सहित १२ जनामा कोरोना सक्रमण देखिएको छ ।
नेपालगन्जको राँझास्थित सैनिक अस्पतालमा भएको स्वाब परीक्षणका क्रममा चिकित्सकमा कोरोना पोजेटिभ भएको बताईएको छ । सैनिक अस्पतालका अनुसार एक जना नेपालगन्ज २० का र एक जना टिकापुरका चिकित्सकलाई संक्रमण पुष्टि भएको हो ।
त्यस्तै भेरी अस्पतालको प्रयोगशालामा गरीएको परीक्षणमा जिल्ला अदालत बाँकेका ५ जना कर्मचारीमा कोरोना पोजेटिभ देखिएको छ ।
बाँकेमा नेपाली सेनाका डाक्टर १ जना र अदालतका ५ गरी ६ जना तथा भेरी अस्पतालको प्रयोगशालामा अन्य स्थानका ६ जना गरि १२ जनामा कोरोना पुष्टि भएको स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले बताए ।
भेरी अस्पतालमा रहेको कोरोना परीक्षण प्रयोगशालामा अलिलेसम्म २२ हजार ७ सय ६ वटा नमूना संकलन भैसकेको छ । २२ हजार ४ सय नमूनाको परीक्षण सकिएको छ । प्रयोगशालामा परीक्षण गरेकाहरु मध्य ८ सय८५ जनामा कोरोना संक्रमण पुष्टि भएको अस्पतालले जानकारी दिएको छ ।
प्रतिक्रिया