काठमाडौं । कोरोना भाइरसको महामारीको प्रकोप दिनप्रदिन बढ्न थालेपछि आजबाट काठमाडौं उपत्यकासहित केही जिल्लामा फेरि जोर-बिजोर प्रणाली लागु भएको छ ।
उपत्यकासहित २०० भन्दा बढी संक्रमित भएका जिल्लाको यातायामा जोर विजोर लागु गर्ने गृहमन्त्रालयको निर्णय बमोजिम आज जोर नम्वरका सावरी साधन मात्र संचालनमा आएका छन् ।
आज जम्बर प्लेटको अन्तिम नम्बर जोर भएका सवारीलाई मात्र अनुमति दिइने ट्राफिक प्रहरीले जनाएको छ । यसैगरी विजोर दिनका दिन भोलि विजोर नम्वरका सवारीले मात्र सडकमा गुड्न पाउनेछन् ।
यसैगरी काठमाडौं उपत्यकामा बेलुका ७ बजेदेखि बिहान ७ बजेसम्म कुनै पनि सवारीसाधन प्रवेश निषेधलाई निरन्तरता दिइएको छ ।
यस्तै, २०० भन्दा बढी संक्रमित भएका जिल्लाहरुमा राति ९ बजेदेखि बिहान ५ बजेसम्म सवारी आवागमनमा निषेध गरिएको छ ।
प्रतिक्रिया