विराटनगर । प्रदेश १ को रोजधानी विराटनगरमा कोरोना भाइरसका थप १३ जना संक्रमित थपिएका छन् ।
बिहीबार बिहान विराटनगर महानगरपालिकाका वडा नं. २, ६, ७, ८, १०, ११, र १३मा कोरोना संक्रमण देखिएको छ ।
कोशी अस्पतालको प्रयोगशालामा गरिएको परीक्षणमा संक्रमित पुष्टि भएकामध्ये आठ पुरुष र पाँच महिला रहेको महानगरापालिकाको स्वास्थ्य शाखाले जनाएको छ ।
संक्रमित हुनेहरुमा विराटनगर ११ का सबैभन्दा बढी ४ जना रहेका छन् ।
यसैगरी वडा नं. १३ का ३ जनामा संक्रमण पुष्टि भएको छ । यस्तै वडा नं. ८ का दुई जनामा संक्रमण देखिएको छ ।
यस्तै, वडा नं. २का १ जना, ६ का १ जना, वडा नम्बर ७ का १ जना, वडा नम्बर १० का १ जनामा पनि संक्रमण पुष्टि भएको महानगरपालिकाको स्वास्थ्य शाखाले जनाएको छ ।
विराटनगरममा मात्रै अब कोरोना संक्रमित हुनेको संख्या १८३ पुगेको छ ।
प्रतिक्रिया