हेटौंडा । बुटवल उपमहानगरपालिकाले आफ्नो कार्यालय परिषरमा ४ भाषामा बडापत्र जारी गरे लगत्तै बागमती प्रदेशअन्तर्गतका सरकारी कार्यालयले पनि यही वैशाख २४ गतेदेखि आवश्यक जानकारी तीन भाषामा दिने भएका छन् ।
प्रदेश मन्त्रिपरिषद्को बैठकले नेपाली, तामाङ र नेपाल भाषामा सरकारी कार्यालयमा बोर्ड लेख्नुपर्ने निर्णय गरेको छ । अहिले सम्म सरकारी कार्यालयका बोर्ड नेपाली भाषामै लेखिदै आएका छन् ।
बुटवल उपमहानगरले नेपालमै पहिलो पटक जनसंख्याको अनुपातको आधारमा नेपालीसँगै थारु, मगर र नेवारी भाषामा गत ११ गते बडापत्र जारी गरेको थियो ।
प्रतिक्रिया